Халық эпосындағы қазақ батырлары: бейнеролик
26 қаңтарда «Дала фольклоры мен музыкасының мың жылы» мемлекеттік бағдарламасы аясында кітапхананың әлеуметтік желі пайдаланушылары үшін «Халық эпосындағы қазақ батырлары» атты бейнеролик дайындалды. Басты назар Қабанбай батырға арналған кітаптар мен Семей қаласының Теміржол вокзалы алаңына орналастырылған ескерткішке аударылды. Әлеуметтік желі қолданушыларын ескерткіштің тарихымен, оның авторымен және құрылыс ерекшеліктерімен таныстырды. Сондай-ақ ескерткіште бейнеленген батыр бейнесі Үмбетей жыраудың жырларында жырланған бейнесімен үндесетіні туралы әңгімеленді. Бейнероликте көрсетілген Қабанбай батырдың өмірі мен ерлігі туралы әңгіме халық қаһарманы туралы тарихи фильмдердің үзінділерімен айшықты үндесті. Оқырман назарына ұсынылған Қ.Жұмаділовтің «Дарабоз», Қ.Тортайұлының «Қабанбай батыр туралы әнгіме», Ә.Садуақасұлының «Қабанбай – хан ұраны» кітаптары Қабанбай батырдың тарихи тұлға ретіндегі бейнесін және қазақтардың жоңғарларға қарсы жасаған ұлт-азаттық күресінің мазмұнын жан-жақты ашты.
