«BookMix» жобасы: Халеда Хоссейни «Бегущий за ветром»
2 ақпан күні ШҚО Абай атындағы кітапхананың әлеуметтік желілерінде «BookMix» Бауыржан Игiлiкпен жобасының кезекті шығарылымы орналастырылды.
Жобаның кезекті шығарылымында Ауғаныстанда туған, кейіннен АҚШ-қа қоныс аударған Халед Хоссейнидің миллиондаған тиражбен әлемге тараған дебьют шығармасы «Бегущий за ветром» кітабы туралы айтылды. Кітаптың негізгі мазмұны Ауғаныстанның тарихы, ондағы монархияның құлауы және жаңа үкіметтің орнауы туралы. Балалық шағы тура сол заманға келеген автор, беделді әкенің баласы болып, Кабулда оқуын оқып, монархия құлағаннан кейін АҚШ-қа қоныс аударуға мәжбүр болады. Кітап негізінен балалық шақ туралы жазылып, басты кейіпкер Амир өзінің балалық шағын жиі еске алады. Шығармада өздерінің қол астында жұмыс істеген Хасан атты баламен қатарлас, бейхам өскен, сол кездегі психологияны, сол кездегі Кабул мен Ауғаныстанның жай күйін көркем суреттейді. Автор балалық шағы мен көрген оқиғаларын адамның жүрегіне жететіндей етіп жеткізіп, басынан кешкен оқиғалар мен тағдырлы тарихын оқып отырған оқырманға ерекше суреттеп бейнелейді. Бейнесюжетте шығарманы бастан аяқ оқып бермей негізгі оқиғалар мен өзегін айтып, шығарманы оқуды оқырманның еншісіне қалдырды. Халеда Хоссейнидің бұл шығармасынан басқа кітапханамызда «Жарқыраған мың күн», «И эхо летит по горам» сынды еңбектері бар.
