Кітапхананың алтын қоры: жобасы

14 ақпан күні кітапханамызда «Кітапхананың алтын қоры» жобасы іске қосылды. Жоба айына 2 рет шығып, кітапхананың әлеуметтік желілерінде орналастырылатын болады.

Жобаның мақсаты кітапхана тарихының тереңдігін, оның бай кітап қорын, құнды көне еңбектерімен оқырман қауымды таныстыру. 19 ғасырда жарық көрген мерзімді баспасөз және кітаптарға шолу жасап, сол заманмен тыныстау.

Жобаның алғашқы санында 1850 жылы Санкт-Петербург қаласынан жарық көрген, бір кезде А.С.Пушкиннің бастамасымен құрылған «Современник» журналының 6 санына бейнешолу жасалды. Журналда басылған туындылардың мазмұны талқыланып, сол уақыттағы ірі тұлғалардың, танымал жазушылардың есімдері айтылды. Әдеби ағымдардың, қоғамдық құбылыстардың суреткер қаламындағы көрінісі айтылды.

Алдағы уақытта жоба жалғасын тауып, айына 2 рет әлеуметтік желілерде шығатын болады.