Тез оқуды үйреніңіз: республикалық жылдам оқу сайысы

Шығыс Қазақстан облыстық Абай атындағы әмбебап кітапханасымен С.Сейфуллин атындағы Алматы облыстық әмбебап кітапханасы  бірлесіп ұйымдастырған кітапхана  аралық байланыс және балаларды мұқият және тез оқуға үйрету мақсатында  9-10 жастағы оқырмандар қатысқан оқу техникасы бойынша «Тез оқуды үйреніңіз» атты Zoom платформасы арқылы онлайн республикалық жылдам оқу  сайысы өтті.

Сайыс шарты  бойынша  балаларға оқуға тілі жеңіл, оқиғасы қызықты А.Сарыбайдың «Ақтабан», Ә.Беркімбаеваның «Дәуіт атайдың ертегілері»,

Ә. Салықбайдың  «Айдана мен Ақжолтай» атты кітаптары ұсынылып, аталған шығарманың белгіленген бетін минутқа оқып берді. Қатысушылардың оқу біліктілігі түсініп оқу, жылдам оқу, дұрыс және мәнерлеп оқу талаптары бойынша  бағаланды.  Шараға Ж .Аймауытов атындағы орта мектебінің  4 «а» сынып оқушылары Аманғалиева  Айзере,  Базарқанова Айгерім,  №17 орта мектебінің 4 «а» сынып оқушылары Қайрат  Кәусәр,  Сағынғали Айгерім,  №34 Б.Момышұлы  атындағы 4 «ә» сыныбының  оқушылары  Биғазы Еркеназ, Нұрланқызы Аялалар қатысып,  өздерінің  оқу техникасының жоғары деңгейде екендігін көрсете білді.

Сайыс қорытындысы бойынша  балалар әдебиеттері бөлімінің  жас оқырмандары  Семей қалалық  Б.Момышұлы атындағы №34 орта мектептің 4 «ә» сынып оқушысы Нұрланқызы Аяла мен Ж.Аймауытов атындағы орта мектептің 4 «а» сынып оқушысы Аманғалиева Айзере  3  орынды иеленіп,  сайысқа қатысқан  басқа қатысушылар алғыс хаттармен марапатталды.