Ахмет Байтұрсынов – ұлттың рухани көшбасшысы: ақпарат сағаты

19 сәуір күні кітапханаға № 12 орта мектептің оқушылары келіп, олар үшін бірден екі іс-шара – кітапханаға экскурсия және «Ахмет Байтұрсынов – ұлттың рухани көшбасшысы» атты ақпараттық сағат ұйымдастырылды. Оқушыларды кітапхананың тарихымен, кітап қорымен, кітапхана негізін қалаушылардың өмірінен қызықты деректер, Абай оқыған кітаптармен таныстырды, келушілерді әсіресе сирек кітаптар бөлімі ерекше қызығушылық тудырды, сонымен қатар психология мен мектеп туралы заманауи кітаптар ұсынылды.
«Ахмет Байтұрсынов – ұлттың рухани көшбасшысы» атты ақпараттық сағатқа жиналғандарға А.Байтұрсынұлының шығармалары бойынша кітап көрмесі ұсынылды. Көрмеге оның көптомдық басылымдары, «Маса», «Әдебиет таңытқыш», «Тіл білімі», «Ақ жол» және т.б. жеке басылымдары ұсынылды. Сондай-ақ кітапхана мамандарының күшімен құрылған «Алаш» электронды кітапханасымен танысты. Электронды кітапхананың Ахмет Байтұрсыновқа арналған беттерінде оның өмірі мен шығармашылық жолы толығырақ ашылды, «Отбасы» айдары жиналғандарды оның отбасы мүшелері – зайыбы Бадрисофа мен асырап алған балаларының өмірбаяндары мен фотосуреттерімен таныстырды, «Құжаттар» бөлімі Қазақстанның және көршілес елдердің мұрағаттары мен мұражайларынан алынған, оның оқығанын, еңбек өтілін, түрмеде отырғанын және ақталғанын айғақтайтын бірегей құжаттар көрермен назарына ұсынылды.
Іс-шараны Ахмет Байтұрсынұлының өмірі мен шығармашылығы туралы бейнеролик толықтырды.