Береке бастауы – бірлік: этномәдени көрме

Абай атындағы кітапханада Қазақстан халқы 1 мамыр ынтымақ пен бірлік күні мерекесін насихаттау мақсатында 28 сәуір күні Татар қоғамдық орталығы және «Буюк кележак» өзбек мәдени орталығымен бірлесіп, «Береке бастауы-бірлік» атты кең көлемді этномәдени кітап көрмесі ұйымдастырылды.
Көрмеге Татар қоғамдық орталығы мүшелері Ғ.Хамитқызы, Н.Хасанқызы т.б. қызметкерлері татар ұлтының тарихынан сыр шертетін, татар ұлттық киімдері, бас киімдер, орамалдар, сәндік бұйымдар, аяққа киетін кебіс, фотоальбомдар қойса, «Буюк кележак» өзбек мәдени орталығы да сан ғасырлардан мұра боп келе жатқан қыштан жасалған ұлттық ыдыстар, кітаптарды көрермен назарына ұсынды. Көрмені таныстыру барысында әр ұлттың ерекшеліктері, сенім-нанымы атап өтіліп, орталықтың мүшелері қойылған сауалдарға қызықты ақпараттарды келтіре отыра жауап берді.
Көрмеде көп ұлтты Қазақстан халқының бейбіт өмірін сомдайтын, тарихын қамтитын, бірлігін бейнелейтін Қапаз Еламановтың «Шаңырақ пен пырақ», «Тағдырлары табыстырған халықпыз», «Моя планета – Казахстан», «Депортированные в Казахстан народы: время и судьбы», «Бірлігі жарасқан біздің үй», «Қазақстан – қарашаңырағым», және т.б. кітаптары орын алып, оқырмандар назарына ұсынылды. Іс-шара соңында кітапхана атынан алғыс ретінде, қатысушы орталықтарға алғыс хаттар табысталды.