“Абай әлемі” 2018-2021: экспозициялық кітап көрмесі

27 мамыр күні Абай атындағы кітапхана, облыстық Абай атындағы Семей мемлекеттік қазақ музыкалық драма театрында өткен қазақтың ұлы жазушысы, қоғам қайраткері, ғұлама ғалым, Қазақстан ғылым академиясының академигі Мұхтар Омарханұлы Әуезовтың 125 жылдық мерейтойының ашылу салтанатына “Абай әлемі” сериясымен 2018-2021 жылдары басылып шыққан кітаптар топтамасының көрмесімен қатысты. Мерекелік шараға қала қонақтары мен тұрғындары, мәдени мекеме қызметкерлері және ЖОО студенттері қатысты.
Кітапхана қызметкерлері ҚР Мәдениет және спорт Министрі Д.А.Абаев пен шара қонақтарын “Абай әлемі” 2018-2021 кітаптар топтамасымен таныстырып, шолу жасады:
2018 жылғы басылымындағы Абай Құнанбаев, Шәкәрім Құдайбердіұлы, Мұхтар Әуезов, Анатолий Иванов, Борис Щербаков шығармалары, Әміре Қашаубайұлы туралы естеліктер жинағы және Ф.М. Достоевскийдің «Семипалатинский период о жизни», сондай-ақ «ХІХ-ХХ ғғ. Өлкетанушылар Шығыс Қазақстан туралы» жинағы, Станислав Черных «Неутомимый краевед Рудного края» жинағы, Шығыс Қазақстанның тарихы мен мәдениетіне өз үлесін қосқан көрнекті тұлғалар туралы, ақындар Нұрлыбек Баймұратов пен Қалихан Алтынбаевтың шығармалары және жас талантты ақын-жазушылардың жырлары енген жинақтары таныстырылды.
2019 жылғы басылымындағы Тыныштықбек Әбдікәкімовтың «Жұмақ күн», Қалихан Алтынбаевтың «Қайран өмір…», Көпен Ерқасовтың «Елім менің», Айтмұхамбет Қасымовтың «Туған жер әуендері», Бақытжан Раисованың «Желдің күн беті», Станислав Черныхтың «Неутомимый краевед Рудного края», Мерей Қарттың «Қарашықтағы құбылыстар», Бауыржан Игілік пен Қызырбек Дүргінбайдың шығармалары және қаламыздың отыз сегіз жас қаламгерлерінің шығармашылығынан құралған «Жастықтың оты жалындап» атты жинақтары қатысушылар назарына ұсынылды.
2020 жылығы басылымындағы Абайтанудың 5 томдық кітабымен және 1909 жылы басылып шыққан репринттік басылымы – «Қазақтың ақыны Ибраһим Құнанбайұғлының өлеңі», 4 томдық «Абай және ақын шәкірттер мұрасы», Т. Жұртбайдың «Рух сұлтандары» , Б.Щербаков орыс және ағылшын тілінде жарық көрген «Звездная степь Жидебая» шығармасы, Сапарғали Әлімбетовтың және т.б ақын жазушылардың шығармалары ұсынылды.
2021 жылғы топтамада 16 автордың шығармаларымен және екі жинақпен ұсынылды. Сапарғали Бегалиннің “Шоқан асулары”, Қалихан Ысқақтың “Келмес күндер елі”, Әлібек Асқаровтың “Алданған ұрпақ”, Мүсілім Құмарбектің “Тауқымет”, Дәулет Сейсенұлының “Ер қазақ”, Оралхан Бөкей, Токен Ибрагимов, Айгүл Кемелбаевалардың “Таңдамалы” шығармаларына қатысушылар ерекше назар аударды.
Салтанатты шарада еліміздің танымал әншілері мен қаламыздың Ә.Қашаубаев атындағы Семей мемлекеттік филармониясының оркестрі, әншілері ән мен күйден шашу шашып, зал толы көрермен жоғары ңықыласпен қабылдады.