Ұранды ердің – ұрпағы қайсар: патриоттық ерлік сағаты

Кітапханамызда 7 мамыр – Қазақстан Республикасының Отан қорғаушылар күніне және 9 Мамыр Ұлы жеңіс күніне орай «Ұранды ердің – ұрпағы қайсар» атты патриоттық ерлік сағаты өтті. Мерекелік шараға қаламыздағы №42 ЖББ мектептің 7 сынып оқушылары қатысты.
Ерлік сағатының мақсаты: оқушыларға қазақ жауынгерлерінің, қазақ қыздарының ерліктерін насихаттай отырып Отансүйгіштікке, намысшылдыққа, қайсарлыққа, еліне, жеріне деген сүйішпеншілікке, Отанын, елін қорғай білуге тәрбиелеу тәрбиелеу.
Бас қосу қазақтың батыр ұшқыш қызы Хиуаз Доспанованың соғыстағы ерлігінен сыр шерттетін «Халық қаһарманы Хиуаз» атты деректі фильм көрсетілімен басталды.
Патриоттық ерлік сағатында Қазақстан Республикасының Қарулы күштерінің құрылуы, оның Отанымыздың бейбітшілігін сақтаудағы маңызы туралы ақпарттар беріліп, Кеңес Одағының екі мәрте Батыры, Қазақстан авиациясының генерал-майоры Талғат Бигелдинов және Халық Қаһарманы, ұшқыш Хиуаз Доспанованың ерліктері жайында тарихи деректер келтіріліп, қызықты әңгімелер айтылды.
Меркелік шарада №42 ЖББ мектептің 7 сынып оқушылары Ғайса Ажар мен Ғайса Кәусар «Хиуаз Доспановаға арнау» және «Жеңіс туы» атты өлеңдерін айтып берді.
Ерлік сағатында «Қаһарман қыз – Хиуаз» атты слайд көрсетілімі ұсынылып, «Ұлы жеңіс ұрпаққа аманат» атты тақырыпта кітап көрмесіне шолу жасалды.
Еліміздің тыныштығы мен бейбіт тірлігінің сақшылары Отан қорғаушылар күні құтты болсын!