Қазыбек би – Ұлы Дала тұлғасы: танымдық сағат

Абай атындағы кітапханада 11 мамыр күні Қаз дауысты Қазыбек бидің туғанына 355 жыл толуына арналған “Қазыбек би – Ұлы Дала тұлғасы” атты тақырыпта танымдық сағат өткізілді. Пайдаланушыларға қазақтың аса айбынды билерінің бірі – Қаз дауысты Қазыбек бидің тарихтағы орны мен шешендік сөздерінің шығу тарихы жайында әңгімелеп, кітап көрмесіне қойылған кітаптарға шолу жасады.
Қазыбек Келдібекұлы – қазақ халқының XVII – XVIII-ғасырлардағы ұлы үш биінің бірі, көрнекті қоғам және мемлекет қайраткері. Тәуке, Сәмеке, Әбілмәмбет және Абылай хандар тұсында мемлекет басқару ісіне белсене араласып жүрген Қазыбек би ішкі және сыртқы саясат мәселелерінде ықпал ете алды. Ол — жоңғар басқыншыларына қарсы азаттық күресті ұйымдастырушылардың бірі.
Кітапхана қызметкерлері кітап көрмесіне қойылған кітапхана қорындағы Ж.Артықбаевтың «Қаз дауысты Қазыбек би», Ж. Дәдебаевтің «Шешендік өнер теориясының негіздері», «Қаз дауысты Қазбек би» -энциклопедиясы, «Қазақтың билері» , «Сөз серкесі- шешендік өнер» т.б. кітаптар мен мерзімді басылымдардағы Қазыбек би туралы мақалалармен таныстырды.