Кітапханашылар марапатталды!
Бүгін, 29 маусым күні Абай облыстық Абай атындағы кітапханада қуанышты жағдай орын алды. Әріптестеріміз Балалар әдебиеті бөлімінің басшысы Жүнісова Айгүл Тұрсынқанқызы және Құжаттарды жинақтау, өңдеу және каталогтарды ұйымдастыру бөлімінің маманы Мұсылманкұлова Гүлмира Дикенқызы Қазақстан кітапханалық одағының «Қазақстанның құрметті кітапханашысы» төсбелгісімен марапатталды. Кітапхана директорының орынбасары Г.Аязбаева марапат иелеріне төсбелгілерін табыстап, мамандардың алдағы уақытта өңірде кітапхана ісінің дамуына өз үлестерін қоса беретіндеріне зор сенімін білдірді.
Айгүл Тұрсынқанқызы мен Гүлмира Дикенқызын лайықты марапатымен құттықтай отырып, зор денсаулық, отбасына амандық, жаңа жетістіктер мен шығармашылық табыстар тілейміз!
