Мақал – сөздің мәйегі: ақпараттық сағат

15 шілде күні балалар әдебиеті бөлімінің қызметкерлері Т. Аманов №16 атындағы мектептің оқушылар назарына, Балалар жылы аясында «Мың бала» республикалық мәдени-ағартушылық жобасының «Өнер алды – қызыл тіл» бағдарламасын негізге ала отырып тәрбиелік мәні зор қазақтың мақал-мәтелдерінің мағынасын түсіндіру мақсатында «Мақал – сөздің мәйегі» атты ақпараттық сағат ұйымдастырды.
Мақал-мәтел дегеніміз – нақты бір ойды қысқаша, нақышты әрі санаушы сөзбен жеткізу болып табылады және ой дәлдігімен, тереңдігімен, ықшамдылығымен ерекшеленеді.
Мақал-мәтелдердің мағынасын талқылаудан бастаған шарада балалар әр кезеңде айтылған мақал-мәтелдерді салыстырып, мақал мен мәтелдің айырмашылығына тоқталды. Сондай-ақ, «Қазақ мақал-мәтелдерінің Алтын кітабы», «1001 қазақ мақал-мәтелдері», «Қазақ және әлем тілдері мақал-мәтелдері», «Қазақтың мақал-мәтелдері» және т.б. кітаптармен жасақталған кітап көрмесіне шолу жасалынып, «Тапқыр болсаң тауып көр» тақырыбына берілген жұмбақтарды шешті. Шара соңында тыңдаушылар Абайдың рухани орталығына барып Абай оқыған әдебиеттер әлемімен, Абай заманында қоғамдық кітапхананың рухани қазына қорымен толықтырылған құнды әдебиеттермен танысты.