Абай даналығы ұрпақтан-ұрпаққа: танымдық ақпараттық сағат

  • 12.08.2022

Абай күніне орай Абай атындағы әмбебап кітапхана қызметкерлері Қазақстан Республикасы Ұлттық қауіпсіздік комитеті шекара қызметі Абай облысы бойынша Департаментінің Семей өңірі шекара Басқармасы қызметкерлеріне қазақтың ұлы ақыны Абай Құнанбаевтың 177 жылдығына орай «Абай даналығы ұрпақтан-ұрпаққа» танымдық ақпараттық сағат өткізіп қайтты.
Басқосуда шекара қызметкерлері кітапхана тарихымен, қызмет бағыттармен, Абай Құнанбаевтың өмірі мен шығармашылығы жайында ақпараттар алды.
Бес бөлімді қамтитын «Абайдың рухани әлемі» атты кең көлемді кітап көрмесіндегі Абайдың барлық шығармаларына, Абайдың әдеби мектебінің шәкірттері мен ізбасарларының еңбектеріне, Абай шығармашылығын зерттеген абайтанушылардың еңбектері мен Абай шығармаларының шетел халықтарының тілдеріндегі аудармаларына шолу жасалды.
Абай облысы бойынша Департаментінің Семей өңірі шекара Басқармасы басшылығы Абайдың шығармашылығынан мол мағлұмат берген кітапхана қызметкерлеріне ризашылықтарын білдіріп, алдағы уақытта да шығармашылық байланыста болатындарын жеткізді.