Конституция – басты құндылықтар бастауы: экспресс трибуна

26 тамызда Абай атындағы облыстық әмбебап кітапханада Y-PEER білім беру халықаралық волонтерлік желісінің жас еріктілері үшін Қазақстан Республикасының Конституциясы күніне арналған экспресс-трибуна өтті.

Тыңдаушыларға “Жеті жарғы” алғашқы дала Конституциясынан бастап 1995 жылғы Конституцияға дейін Қазақстан аумағында негізгі Заңның қабылдану тарихы туралы ақпарат ұсынылды. Басты назар 1995 жылғы Конституцияның баптарына және 2022 жылғы 5 маусымда республикалық референдумда қабылданған Ата заңның баптарына енгізілген түзетулерге аударылды.

Іс-шараға қатысушылар кітапхана қорының “Қазақстан Республикасының Конституциясы” (1995 ж.), М. Матаевтың “Қазақстан мен Орталық Азия елдерінің конституциялық тарихы”, Ғ. Сапарғалиев “Қазақстан Республикасының конституциялық құқығы”, “Қазақстан Республикасы: саяси жаңғырту” және т. б. әдебиеттер мен мерзімді басылым беттерінде жарияланған мақалалар ұсынылды.