Тіл – достық пен келісімнің алтын көпірі: кітап көрмесі

2 қыркүйек күні Абай атындағы әмбебап кітапханасында 5 қыркүйек- Қазақстан халқының тілдер күні мерекесіне орай «Тіл- достық пен келісімнің алтын көпірі» атты кітап көрмесі ұйымдастырылды.
Жыл сайын мереке ҚР Үкіметінің шешімімен 2018 жылдың 5 қыркүйегі алғашқы қазақ әліппесінің, тіл білімі, әдебиеттану оқулықтарының авторы Ахмет Байтұрсыновтың туған күнінде аталып өтіледі. Мереке аясындағы көрменің мақсаты еліміздегі көпұлтты елдің тұтастығын сақтау, қазақ тілін дамыту және тарату, жас ұрпақтың бойында өз халқының да, елде тұратын басқа ұлттардың да мәдениеті мен дәстүрлеріне құрметпен қарауды қалыптастыру, тілге, елге, ұлтқа байланысты басылымдармен таныстыра отырып сүйіспеншілікке үйрету.
Кітап көрмесімен таныстыру барысында тіл біліміне үлкен үлес қосқан Ахмет Байтұрсынұлына және оның еңбектеріне баса назар аударылып жеке тоқталып өтті.
Ұсынылған кітаптардың қатарында Ахмет Байтұрсыновтың бес томдық шығармалар жинағы, “Тіл тағылымы”, Осман Асылының “Тіл тәуелсіздігі – ел болашағы”, “Мемлекеттік тіл ұлттық бірегейліктің негізі” және Тіл білімі антологиясы сериясымен шыққан Ғ. Мұсабаев, Ж. Манкеева, Ш. Сарыбаев, І. Кеңесбаевтың “Қазақ тіл білімінің мәселелері” атты еңбектерімен, мерзімді басылымдармен және т.б. тіл тақырыбында қалам тербеген жазушылардың еңбектермен толықты.