«Книгоноша» әлеуметтік жоба: мүмкіндігі шектеулі оқырмандарға қызмет көрсету

Абай атындағы кітапхананың оқырмандарға қызмет көрсету бөлімі қызметкерлері  «Книгоноша» әлеуметтік жобасы бойынша жұмыс бағытын жалғастыра түсуде. Аталмыш бөлім қызметкерлері мүмкіндігі шектеулі жандардың ұсыныс тілектері мен тапсырыстарын назардан тыс қалдырмай, әр уақыт сайын оларға жаңа түскен кітаптар мен  мерзімді басылымдарды ұсынады. Осы жолы да, қыркүйектің 6-жұлдызында оқырман И.Сыздыкбеков, О.В.Мухамедшин  тапсырыстары бойынша әдебиеттер жеткізіліп, кітаптар оқылымы туралы ой-пікірлері пысықталды. Сондай-ақ, осындай әлеуметтік топтағы мынадай белсенді оқырмандарға қызмет көрсетіледі:  М.Оденцова, Е. Воробьева, А. Рябчук және т.б.

«Книгоноша» әлеуметтік жобасы жылдар бойы өз жалғасын табуда, әлі де таба бермек. Кітапхананың осы жобасына мүмкіндігі шектеулі жандардың алғысы орасан зор.Олар әр мезгіл сайын кітапхананың әлеуметтік желісіне, не болмаса телефон арқылы байланысқа шығып өздеріне қажетті кітаптарға, мерзімді басылымдарға  тапсырыс беріп отырады. Кітапхана қызметкерлері аталмыш санаттағы оқырмандар тобымен жиі байланыста болып тұрады.