Отбасы құндылықтары: кітап көрмесі

Қыркүйек айының 13-і күні Абай атындағы облыстық әмбебап кітапханасы Мемлекет басшысының Жарлығымен қыркүйек айының екiншi жексенбiсiнде аталып өтiлетін «Отбасы күніне» орай «Отбасы құндылықтары» атты кітап көрмесін ұйымдастырды.
Шараға Рымбек Байсеитов атындағы Семей қаржы-экономикалық колледжінің бірінші курс студенттері мен кітапханамыздың оқырмандары қатысты.
Көрмеге кітапхана қорынан К. Ғ. Жүнісова-Елшібаеваның «Отбасы. Отағасы. Отанасы», З. Михайлюкованың «Семейное воспитание», Р. К. Бекмагамбетованың «Воспитание детей дошкольного возраста в условиях семьи», Ж. Байжанованың «Семья бақыты», Я. Корчактың «Любовь к ребенку», С. А. Ынтымақовтың «Отбасы құқығы» т.б. кітаптар мен мерзімді басылым беттеріндегі мақалалар ұсынылды.
Көрме барысында қатысушыларды көрмемен таныстыра отырып, отбасының ең маңызды қызметтерінің бірі – тәрбиелеушілік міндеті, ол қоғамдық тәрбиенің ең тиімді деген жүйесі екенін, оның негізгісі – баланы өмірге келтіру ғана емес, сонымен бірге оған әлеуметтік-мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, бойына сіңіру, яғни балаларды өздерін қоршаған ортаға және қоғамға пайдалы азамат етіп өсіру әке-шешенің ең маңызды міндеті екені айтылды.