Оқы және өзгеге сыйла: буккроссинг

23 қыркүйек күні  Абай атындағы облыстық әмбебап кітапханасында «KitapTime – 2022» жалпы республикалық кітап фестивалі аясында буккроссинг ұйымдастырылып, келушілер өздерінің сүйікті кітаптарын емін-еркін алып, кітап алмасып және оқып болған кітаптарын алып келуге мүмкіндік алды. Кітапханамыздың тұрақты оқырмандары Измайлов С., Қайдарова М., Нұрмұхаметова Л. және кітапхана қызметкерлері кітап алмасу шарасына өз үлестерін қосып, өздерінің оқып болған кітаптарын буккроссинг әлеміне саяхатқа жіберді. Букроссинг шарасында 130ға жуық кітап оқырман қауымға жол тартты. Олардың арасында Қ.Жұмаділов, М.Сәрсеке, Б.Иманғазина, А.Пушкин, Ф. Достоевский, М.Цветаева, В.Ян, Л.Толстой сынды ақын-жазушылардың еңбектері ерекше сұранысқа ие болды.

Буккроссинг халық көп жүретін «Арбат» пен «Түбәтәй» дәмханасында ұйымдастырылды. Шараға қала тұрғындарының әртүрлі санаттары: студенттер, зейнеткерлер мен мектеп оқушылары қатысты.