Мұхтар әлемі: ақпараттық сағат
28 қыркүйек күні Абай атындағы кітапхана маманы Радиотехника және байланыс колледжінде жазушы Мұхтар Әуезовтің туғанына 125 жыл толуына орай “Мұхтар әлемі” тақырыбында ақпараттық сағатын өткізді. Іс-шара қазақ және орыс тілдерінде өтті. Колледж директоры Оралхан Иманғалиұлы Сартаев құттықтау сөз сөйледі. Ол, өз сөзінде Мұхтар Әуезовтің бір кездері осы колледж ғимаратының қабырғасында оқығанын, яғни 19-ғасырда бұл ғимараттың 5-сыныптық училище болғанын атап өтті. Болашақ техникалық мамандарына Мұхтар Омарханұлы Әуезовтың өмірі мен әдеби шығармашылығы қызықты болды. Кітапхана қызметкері жазушының өміріндегі белгісіз оқиғалары туралы айтып және сирек кездесетін кітаптармен таныстырды. Студенттер кітапхананың сирек қорынан 1937-1939 жылдардағы «Литературный Казахстан», «Литература и искусство Казахстана», «Әдебиет майданы» журналдарында басылған жазушының “Абай” романынан алғашқы үзінділерін, әңгімелерін, зерттеулерін көріп қызығушылық танытты. Сондай-ақ, балалар жазушының 10 жылдан астам уақытын жұмсаған төрт томдық роман-эпопеяның жеке басылымға айналғанын білді. Бұл, 40-50 жылдары жарық көрген “Абай” және “Ақын аға” романдары, олардың түпнұсқалары кітапхана қорында сақталған. Балалар романның алғашқы аудармашылары және граф-суретші Е.Сидоркиннің “Дүниежүзілік әдебиет кітапханасы” сериясындағы романды басып шығаруға жасаған бірегей иллюстрациялары туралы білді. Заманауи басылымдардан шараға қатысушыларға “Мұхтар Әуезов” энциклопедиясы мен, Н. Анастасьевтің “Трагедия триумфатора” және “Мұхтар Әуезов” монографияларымен, Мәскеу баспасындағы “Жизнь замечательных людей” сериясында жарық көрген “Неизвестное в наследии Мухтара Ауэзова. Архивные документы», Халықаралық Абай клубы шығарған «Әуезов әлемі» мен шетелдік, Шығыс және Батыс қаламгерлерінің жазушы шығармашылығы туралы талдаулары ұсынылды. Сонымен қоса Абай кітапханасы мен ШҚО әкімдігінің жобасы бойынша “Абай әлемі” кітаптар сериясынан А.Ким дайындаған роман-эпопеяның жаңа аудармасы ұсынылды. Кездесуге қатысушылар үшін «Мұхтар Әуезов» «Тайны. Судьбы. Имена» аттыбейнематериял көрсетілді.
