18 қазан – Рухани келісім күні: кең көлемді кітап көрмесі

18 қазан күні Қазақстанда Рухани келісім күні аталып өтілуде, осы мерекеге байланысты Абай атындағы кітапханада «18 қазан – Рухани келісім күні» атты кең көлемді кітап көрмесі ұйымдастырылды. Көрмеге келушілер осыдан 30 жыл бұрын бірінші дүниежүзілік рухани келісім конгресінде алғаш рет жарияланған бұл мерекенің шығу тарихымен танысты. 1992 жылдың 18 қазанында Алматы қаласында өткізілген «Бүкіл әлемдік рухани келісім конгресіне» қатысушылардың бірауыздан қолдауымен, аталмыш күн – «Рухани келісім күні» болып жарияланған еді. Іс-шарада Қазақстан халқының дәстүрлі мәдениеті мен көпұлтты Қазақстанның ежелден келе жатқан этикалық өмірінің кодексі ірге тасын құрайтын рухани мұраттардың іргелі негіздерін жаңғыртып жатқанына ерекше тоқталды.
Көрмеде Қазақстанды мекендейтін халықтар достығы, Қазақстан халықтары Ассамблеясының рөлі, әлемдік діндердің, соның ішінде Қазақстанда тұратын халық өкілдерінің тарихы туралы, экстремизмге қарсы тұрудағы дәстүрлі діндердің рөлі туралы кітаптар ұсынылды.
Көрмеге қатысушылар С.Оқанның «Исламдағы келiсiм – қоғам ұстасы», Т.С.Шағыр «Имандылық қайнары», З.Шаукенова, Е.Бурованың және А.Назарбетованың «Қазақстан Республикасы этностық және діні топтарының азаматтық қауымдастыққа топтасуының құндылықтық-мағыналық және рухани-адамгершілік негіздері» сынды басылымдар, «Қазақстан халқы» атты энциклопедиялық анықтамалық, «Имандылык бастаулары» кiтаптарына қызығушылық танытты.