Аңыз адам – Бауыржан Момышұлы: патриоттық тәрбие сағаты
20 қазан күні балалар әдебиеті бөлімінің қызметкерлері Ж. Аймауытов атындағы орта мектебінің 4 «А» сынып оқушыларына арналған, Балалар жылы және «Мың бала» республикалық мәдени-ағартушылық жобасының «Өнер алды – қызыл тіл» бағыты бойынша, батыр ерлігін дәріптеу мақсатында «Аңыз адам – Бауыржан Момышұлы» тақырыбына патриоттық тәрбие сағатын ұйымдастырды.
Батырдың ерлігі мен өнегелі істеріне арналған шарада оқушыларға Кеңес одағының батыры, жазушы, әскери қолбасшы Бауыржан Момышұлының өмірбаяны, батырлығы, жазушының қаламынан туған өмір шындығын арқау еткен тамаша шығармалары, мақал-мәтел, нақыл сөздері туралы ауқымды мәліметтер берілді. Шара соңында «Ұшқан ұя», «Бауыржан батыр», «Ақиқат пен аңыз», «Қанмен жазылған кітап», т.б. әдебиеттер топтамасымен толықтылырған «Аңызға айналған батыр тұлға» атты кітап көрмесі ұсынылды, балалар тақырып бойынша викториналық сұрақтарға жауап беріп, батыр туралы өлеңдер оқыды.
