Союз ТМ 13: фотосуреттер көрмесі

9 желтоқсан күні Абай атындағы кітапханада Қазақстан Республикасының Тәуелсіздік күніне орайластырып және Ресей мен Қазақстан арасындағы дипломатиялық қарым-қатынастың орнағанына 30 жыл толуына орай Өскемен қаласында орналасқан Ресейдің Тәуелсіз мемлекеттер ынтымақтастығы федералды агенттігі Абай облысы әкімдігі мәдениет басқармасының көмегімен ТМД елдері арасындағы тұңғыш Қазақстандық космонавт Т.О.Әубәкіровке арналған «Союз ТМ 13» көшпелі көрмесін ұйымдастырды. Көрмеге Мәскеу қаласындағы Космонавтика музейінен әкелінген экспонаттар-фотосуреттер қойылды. Кітапханамыздағы тақырыпқа сай кітаптар мен мерзімді басылымдар беттеріндегі мақалалар фотосуретті көрмені толықтырды.
Ресейдің Тәуелсіз мемлекеттер ынтымақтастығы федералды агенттігінің мамандарының айтуынша көрменің мақсаты, екі ел арасындағы достықты нығайту және екі ел арасындағы бірлескен жобалар мен белгілі тұлғаларды насихаттау. Көрмеге кітапханамыздың тұрақты оқырманы «Прииртышье» өлкетану қоғамының мүшесі, ҚР Қарулы Күштері Әуе қорғанысы күштерінің ардагері Станислав Сарсековтың 45 жыл бойы жинаған космонавтикаға байланысты маркалары да көрмеден орын алды.
Бүгінгі шараның ерекше оқиғасы Т.Әубәкіровтың туысқан бауыры, Көкшетау қаласының тұрғыны, полковник Жұмабеков Болатқазы Рамазанұлы туысқандарымен келіп қатысты.
Көрме желтоқсан айының 20-на дейін кітапхана пайдаланушыларына ұсынылатын болады.