Ел ертеңі – егемендік: ақпараттық сағат

Желтоқсан құрбандарын еске алу мақсатында өткізілген «Ел ертеңі – егемендік» атты ақпараттық сағатында бөлім қызметкерлері Бауыржан Момышұлы атындағы №34 мектептің 2 «А» сынып оқушыларына желтоқсан оқиғасының тарихы, маңызы жайында тыңғылықты ақпарат беріп, Халық қаһарманы Қайрат Рысқұлбеков, Л. Асанова, Е. Сыпатаев, С. Мұхамеджанқызы және т.б жастардың ерліктерін баяндайтын бейнетаспа және «Желтоқсан ызғары» фильмінен үзінді көрсетілді. Сондай ақ, оқушылар тақырыпқа байланысты викториналық сұрақтарға жауап беріп, кітап көрмесімен таныстырылды. Шара соңында балдырғандар «Көк тудың желбірегені» әнін бірген шырқап, Қайрат Рысқұлбековтың ескерткішінің алдында суретке түсті.