Құрманғазы – әлемдік деңгейдегі тұлға: кең көлемді кітап көрмесі

2 ақпан күні Абай атындағы кітапханада қазақтың халық күйшісі, сазгер, домбырашы Құрманғазы Сағырбайұлының туғанына 200 жыл толуына орай «Құрманғазы – әлемдік деңгейдегі тұлға» атты кітап көрмесіне шолу өтті. Шараға кітапхананың тұрақты оқырмандары қатысып, Құрманғазының өмірбаянымен, қиын балалық және жастық шағымен, күйші, композитор ретінде қалыптасу жолдарымен танысты. Бүлікші күйлері мен билікке бағынбауынан Құрманғазы қудалауда болуы, қамауға алынуы, көп уақыт бойы туған жерінен алыста болуға мәжбүр болу фактілері оқырмандардың назарын аудартты.
Құрманғазының ат жарыстары мен мықты балуандар сайысына қатысуы туралы әңгімелер оқырмандардың қызығушылығын тудырды. Іс-шара барысында күні бүгінге дейін ең көп орындалатын музыкалық шығармалардың бірі болып саналатын Құрманғазының күйлеріне ерекше тоқталып өтті. Шараның музыкалық сүйемелдеуінде Қазақстанның шексіз даласы туралы «Сары-арқа» күйі тыңдалды.
Кітап көрмесіне Х.Ерғалиевтің «Құрманғазы» атты поэмасы, Ш.Қалиақпаровтың «Құрманғазының ізбасарлары» кітабы, А.Жұбановтың «Құрманғазы күйлері қалай шыққан?», «Құрманғазы Сағырбаев: өмірі мен шығармашылығы» кітаптары және күйші – композитордың шығармалары жазылған көптеген кітаптар мен ноталар қойылды.