«Бойыңдағы алыпты оят» Энтони Роббинс кітабының беттерінен: танымдық сағат

8 ақпан күні Абай атындағы әмбебап кітапханасы №3-арнайы мектеп интернатының ұстаздары мен оқушыларына «Бойыңдағы алыпты оят: Энтони Роббинс кітабының беттерінен» атты танымдық сағат өткізді.

Кітапханашы маман автордың әлемге әйгілі американдық бизнес-тренер, оратор, жазушы, кәсіпкер екендігін, лайф-коучинг жайлы жазған кітаптары бестселлерге әлдеқашан айналып, өзін-өзі дамыту, мотивация беру тақырыптарындағы аудио бағдарламаларымен де дүние жүзіне танымалдылығы туралы балаларға баяндады. 2007 жылы Тони Роббинс Forbes журналының «Ең беделді 100 адам» тізіміне еніп, клиенттерінің арасында Билл Клинтон, Леонардо ДиКаприо, Серена Уильямс болғандығы балаларға қызықты болды.

Бүгінде жасы 59-ға келген Тони Роббинс төрткүл дүниені аралап, жетістікке жеткісі келетін адамдарға ақыл-кеңесін беріп, шабыттандырып,  Қазақстанға да бірнеше мәрте келіп, семинар өткізгендігі туралы ақпарат берілді.

Қатысушыларға кітаптың шығу тарихы жайында толық мәлімет берілді. Танымдық сағаттың қортынды сөзін шараға арнайы қатысқан мектеп директоры Калигожин Акрам Асемканұлы қортынды сөзбен түйіндеп, өз әсерімен бөлісті.