Өлкетану ресурстарын іздестірудің тиімді жолдары: ақпараттық сағат

Абай атындағы кітапхана қызметкерлері 14 ақпан күні Шәкәрім атындағы университеттің магистранттарына «Өлкетану ресурстарын іздестірудің тиімді жолдары» атты тақырыпта ақпараттық сағат ұйымдастырды.

Шара барысында кітапхана мамандары өлкетануға байланысты ақпараттарды дәстүрлі каталогтар мен картотекалардан  іздестіру жолдарымен қатар, электронды каталогтан қалай іздеу жүргізуге болатынан түсіндірді. Сонымен қатар, Абай атындағы кітапхана сайтындағы Өлкетану рубрикасындағы ақпараттарға тоқталып, «Алаш» электронды кітапханасынан  https://alash.semeylib.kz/ мәліметтерді, толықмәтінді деректерді  қалай табуға болатынын көрсетті.  Абай кітапханасының «XVIII ғасырдың соңы, XIX ғасыр мен XX ғасырдың басында жарық көрген сирек басылымдары  көрініс тапқан тұңғыш каталог «Артық білім кітапта»  сирек басылымдар каталогын таныстырды.

Магистранттарға табылмаған ақпараттық ресурстар болса, ҚР Ұлттық электронды кітапханасы бойынша іздеу жүргізу, Орталық ғылыми кітапхана бойынша электронды каталогқа жүгінуге болатыны тілге тиек етілді. Кітапхана маманы  өлкетану тақырыбы бойынша кітапхана қорынан табылмаған ақпараттар бойынша сұранысты виртуалды анықтама бойынша тапсырыс беруге  болатынын айтып, түсіндірді.