Путь к Байтереку: кітаптың тұсаукесері
15 ақпан күні балалар әдебиеті бөлімінің қызметкерлері жазушы, журналист Айман Шәріпханованың «Путь к Байтереку» кітабының тұсаукесерін өткізді. Шараға «Қайнар» колледжінің студенттері, Абай облысының тілшілері және автордың туыстары қатысты. Айман Шәріпханова «Литер», «Страна и мир» республикалық газеттерінің, «Спектр», «Арна», «Орман дауысы» қалалық газеттерінің тілшісі. Шара қонағы өз кітабының жазылу тарихы туралы айтып, тұсаукесерге келген қатысушыларды қиял-ғажайып стилінде жазылған және қазақ халқының ежелгі дәстүрлері мен фольклорына негізделген романның сюжеттік желісімен қысқаша таныстырды. Автор шығарманың кейіпкерлері, романда қолданылған қазақ халқының аңыздары, салт-дәстүрлері мен тұрмысы туралы қызықты әңгімелеп берді. Қатысушылар назарына ақпараттық бейне слайд көрсетілді.
Тұсаукесер соңында қатысушылар кітап авторына балаларға арналған кітаптың қалай жазылғаны, автордың кітап жазуға неден шабыт алғаны және сюжеттерді қалай жасағаны туралы сұрақтар қойып, толыққанды жауап алды. Аталмыш шара кітап көрмесімен толықтырылды.
