«Алаш» электрондық кітапханасы: онлайн-лекция
2023 жылдың 18 мамыры күні Абай облыстық Абай атыңдағы әмбебап кітапханасының қызметкері Жарма аудандық кітапханасының ұйымдастыруымен Zoom платформасында өткізілген шараға қатысып, кітапханамыздың ұйымдастыруымен құрылған «Алаш» электрондық кітапхасымен таңыстырып өтті. Шараға Жарма ауданының кітапханашылары, әдебиет және тарих пәндерінің оқытушылары қатысты.
Онлайн-лекция барысында «Алаш» электронды кітапханасының әрбір бөліміне тоқталып, қысқаша мәлімет берілді. Сонымен қатар аталмыш электронды кітапхана қорынан кітаптар мен мақалаларды іздеу жолдары көрсетілді. «Алаш» электронды кітапханасының «Құжаттар» бөліміндегі Алаш қайраткелеріне байланысты құжаттардың түпнұсқасы тыңдаушылардың қызығушылығын тудырды.
Шара соңында ұйыдастырушылар кітапхана қызметкеріне алғысын білдіріп, мұғалімдер үшін таптырмас мағлұмат екенін атап айтты.
