Семей – Алаштың астанасы: Семей-Қарағанды бейнекөпірі
2013 жылдың 12 желтоқсанында Шығыс Қазақстан облыстық Абай атындағы әмбебап кітапханасында «Семей – Алаштың астанасы» Семей-Қарағанды бейнекөпірі өткізілді.
Өткізілген күні: 2013 жылдың 12 желтоқсаны. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: жазушылар, ғалымдар, оқырмандар, кітапханашылар. Қатысушылар саны: 22 адам. Шараның мақсаты – Семейде қызмет еткен алаш қайраткерлерінің ұлт тағдыры жолындағы атқарған қызметтері жөнінде ақпараттар жайында пікір алмасу. Күтілетін нәтиже: алаш арыстары туралы кеңінен танып-білу мүмкіндігін қамтамасыз ету және облыс кітапханаларының арасында тағылымдық маңызы зор онлайн кездесуді нығайту.
2013 жылдың 12 желтоқсанында Шығыс Қазақстан облыстық Абай атындағы әмбебап кітапханасында «Семей – Алаштың астанасы» Семей-Қарағанды бейнекөпірі өткізілді. Қарағанды қаласындағы Н.В.Гоголь атындағы облыстық әмбебап ғылыми кітапханасының оқырмандарының талап-тілектері бойынша ұйымдастырылған қашықтан байланысу екі жаққа да пікірталас тудырған кездесу болды.
Екі қаланың қатысушылары маңызы зор осындай тарихи тақырыпта әңгіме қозғап, сұрақ-жауап арқылы алаш қайраткерлері туралы мол мағлұматтарын ортаға салды. «Семей таңының» негізін қалап, тұңғыш редакторы болған алаш азаматы Мәннан Тұрғанбаев туралы және Қарқаралы петициясының атқарған қызметі жөнінде алаштанушы-жазушы Сейітжан Тәбәрікұлы кеңінен таныстырып өтті. ҚарМУ-нің оқытушысы, ғалым Нұрсаған Бейсембекованың алаш қайраткерлерінің болашақ ұрпаққа аманаттап кеткен қызметін жаңаша көзқараспен саралау керектігі туралы ойлы пікірін айтты.
Алаш қозғалысы мен Алашорда үкіметінің тарихына қатысты құжаттар жайында Қазіргі заман тарихы құжаттамасы орталығының жетекші маманы Лаура Қадырованың және Алаш арыстары мұражайының қызметкері Қарлығаш Ибрагимованың ақпараттарына тыңдаушылар қызығушылық білдірді. КарМУ-нің 4-курс студенті өзінің дипломдық жұмысын Ә.Бөкейхановтың Семейдегі қызметі туралы деректермен толықтыру қажеттігін айтты. Оған Семейде алаш көсемі туралы ақпараттар алу мүмкіндігі бар екенін жеткізді. Екі жақтың да тыңдармандары сұрақ қою арқылы бір-бірін толықтырып отырды. Қарағандылық қатысушылар: «Алаштың астанасы – Семей» атауы жөнінде Семей зиялылары қандай жұмыстар істеп жатыр?, Алашорда үкіметі өміріндегі саяси маңызды істерге қатысқан Тұрағұл Абайұлы, Семейдегі Алаштану ғылыми-зерттеу орталығының қызметі туралы білгісі келетіндіктерін жеткізді.
КарМУ-нің 4-курс студенті осындай кездесуге ризашылығын жеткізе отырып, С.Торайғыровтың «Мен неге қазақтықтан сақтанамын» атты өлеңін мәнерлеп жатқа айтты.
Қазақстан-Семей телеканалы түсірген, ақын Құсмілия Нұрқасымның «Семей-Алаш» өлеңіне жазған әнін ақынның орындауымен Семейдің кешегі және бүгінгі келбетін бейнелейтін бейнероликті тамашалаумен аяқтай келе, болашақта осындай шаралар жалғасын тапса деген тілектер айтылды.