Мәңгілік жаса, қыран елім Қазақстаным: патриоттық сағат
25 қазан-Республика күнін мерекелеу аясында балалар әдебиеті бөлімінің қызметкерлері республика күнінің маңыздылығын түсіндіру мақсатында, «Айналайын» балабақшасының тәрбиеленушілері арасында «Мәңгілік жаса, қыран елім Қазақстаным» атты патриоттық сағат өткізді.
Қазақстан Республикасының Мемлекеттік Әнұранын орындаудан басталған шарада балдырғандарға Қазақстанның мемлекеттік егемендігі, еліміздің Мемлекеттік рәміздері, Қазақстан мемлекетінің елордасы-Астана жайлы ақпарат берілді. Сондай-ақ, балалар «Қазақстан-Менің Отаным» викторинасына, «Епті, батыл, дәл», қазақтың ұлттық ойыны «Асық» ойындарына белсене қатысып отырды және Отан, Туған жер, Абай Құнанбаевтың өлеңдерін жатқа айтып, қазақтың «Қара жорға» биін тамаша көңіл күймен биледі. Патриоттық сағат соңында балдырғандар назарына тәуелсіздік жылдары жарыққа шыққан балаларға арналған әдебиеттермен жасақталған кітап көрмесіне қысқаша шолу жасалып, «Көк тудың желбірегені» патриоттық әнін бірге орындаумен аяқталды.
