Тоқтар Тәңірберген Тәненмырзаның «Шыңыраудағы шындық»: кітап тұсаукесері
8 қараша күні Абай атындағы облыстық әмбебап кітапхананың ұйымдастыруымен мемлекет және қоғам қайраткері, Қазақстан Жоғары кеңесінің XII және XIII шақырылымдарының депутаты Тоқтар Тәңірберген Тәненмырзаның «Шыңыраудағы шындық» кітабының тұсаукесері өтті.
Шара барысында Семей қаласы ардагерлер кеңесінің төрағасы М. Әлин, ұстаз, этнограф М. Мұхамадиұлы, ақын, ҚР Жазушылар одағының Семей филиалының төрағасы М. Қарт кітаптың түсаукесер рәсімін жасады. Тоқтар Тәңірберген Тәненмырза тұсаукесер рәсіміне келген қонақтарға кітаптарын сыйға тартты.
Бесқарағай ауданы аудандық мәслихатының хатшысы Абылгазинова Мейрамгуль Рысбекқызы сөз сөйлеп, «Бесқарағай ауданының Құрметті азаматы» куәлігін ұсынып, қаламгерге аудан әкімінің құттықтауын табыстап, шапан жапты. Абай облысының мәдениет, тілдерді дамыту және архив ісі басқармасы Идрисова Назира Тасболатқызы құттықтау сөз сөйлеп, гүл шоқтарын ұсынды.
Тұсаукесер барысында Тоқтар Тәңірберген Тәненмырза өзінің қоғамдық қызметі, өмірбаяны жайында сөз қозғады. Сондай-ақ Тәңірберген Тәненмырза жетпіс жыл ғұмырындағы өнегелі өмір белестері, басынан кешкен қызықты оқиғалары мен естеліктерімен бөлісті.
