Қазақ поэзиясының құлагері: портреттік кеш

«Оқитын ұлт» республикалық жобасы аясында, қазақ ақыны, драматург, сатирик және қоғам қайраткері І.Жансүгіровке 130 жыл толуына орай, балалар әдебиеті бөлімінің қызметкерлері «Қазақ поэзиясының құлагері» атты портреттік кеш ұйымдастырды.Аталмыш шараға №38 мектеп-лицейінің 4 «Д» сынып оқушылары қатысты.
Кеш барысында кітапхана қызметкері ақынның өмірі мен шығармашылығынан ақпарат беріп, ақын қызметінің негізгі кезеңдері, еңбектері, ол туралы әдебиеттер мен естеліктер, мақалалар, фотосуреттермен топтастырылған кітап көрмесін қатысушылар назарына ұсынды.Қазақ әдебиетіндегі айтулы тұлғалар, ұлттың «Үш бәйтерегі» – С.Сейфуллин, І. Жансүгіров, Б. Майлин жайында кең тоқталды.
Шара соңында оқушылар ақынның өлеңдерін жатқа айтып, тақырыпқа байланысты викториналық сұрақтарға жауап беріп, жазушының «Шәркей» әңгімесін талдады. Сондай ақ, «Құлагер» көркем фильмінен үзінді көрсетіліп, І.Жансүгіров атындағы мұражай туралы ақпарат беріліп, сынып өнерпазы М.Ахметжанова халық күйін көрермендер назарына ұсынды.