Ф.М. Достоевский және Семей : халықаралық онлайн кездесу

2024 жылдың 29 ақпанында Абай атындағы кітапханада «Ф.М. Достоевский және Семей» тақырыбында Могилев қаласындағы (Беларусь) облыстық жасөспірімдер кітапханасымен халықаралық онлайн кездесуі өткізілді.
Кітапхана қызметкері аталмыш онлайн іс-шараға қатысушыларға Ф.Достоевскийдің Семейде қазақтың көрнекті зерттеушісі Ш.Уәлихановпен таныстығы, жазушының жары болған Мария Исаевамен кездесуі, жазушының өмір жолы туралы ақпарат бере отырып, оның Семей қаласында болған кезеңдерде жазған «Дядюшкин сон», «Село Степанчиково и его обитатели» туындыларына, сондай-ақ, осы қалада мұражай ашуға ат салысқандығына тоқталды.
Қаламыздағы №2 орта мектептің оқушылары Е.Исаев, Р. Қадыров, К. Ақауов, Е. Әшімова, М.Попенко, А. Щербакова беларусьтік онлайн жүздесушілерге жазушы өмірінің Семейдегі кезеңімен таныстырды. Могилев қаласы (Беларусь) облыстық жасөспірімдер кітапханасының қызметкері, бөлім меңгерушісі М.В.Елесеева сөз алып, кездесуге қатысушыларды таныстырды. Могилев қаласының №3 гимназиясының оқушылары У.Лосева, Д.Морозова, С. Туникова және М. Агафоновтар Брест облысының жазушымен байланысына тоқталды. Шара соңында белсенділік танытқан қатысушыларға алғыс хаттар табысталып, кітапхана атынан кітаптар сыйға берілді.