Ұлт көсемі – Әлихан: еске алу, кең көлемді кітап көрмесі

Бүгін, яғни 5 наурыз «Хан баласында қазақтың қақысы бар еді. Тірі болсам қазаққа қызмет қылмай қоймаймын» деген ұлт көсемі – Әлихан Бөкейханның дүние есігін ашқан күні.
Қазақ елінің дербестігі, тәуелсіздігі, жері, тілі үшін күрескен, арда Алаштың азаматын еске алу мақсатында қала әкімінің бастамасымен, кітапхана басшысы М.М. Қарт Ә.Бөкейхан ескерткішіне тәу етіп, гүл шоқтарын қойып, ғазиз жанды еске алу үшін, бір минут үнсіздікке қатысып қайтты.
Сондай-ақ, кітапханада «Әлиханның өшпес шырағы» тақырыбында кең көлемде кітап көрмесі жасақталды. Көрмеге Ә.Бөкейханның таңдамалары еңбектері, шығармалары,Б.Қойшыбаевтың «Әлихан Бөкейханов», Е.Тілешовтың «Алаш қозғалысы», С.Аққұлының «Д.Қонаев:Әлихан Бөкейхан-Алты алаштың пірі, рухани көсемі…» зерттеме мақалалары және т.б еңбектер, мерзімді басылым беттерінен ақпараттар қойылды.