Естелікке гүл шоқтары: халықаралық поэтикалық телекөпір

20 наурызда ZOOM платформасында Абай атындағы облыстық кітапхана қызметкерлері көрнекті ақын Павел Васильевтің туғанына 115 жыл толуына арналған «Естелікке гүл шоқтары» тақырыбындағы халықаралық Қазақстан-Ресей телекөпіріне қатысты.

Шараны ұйымдастырушы – Павлодар қаласындағы, П.Васильев мұражай-үйі. Поэтикалық телекөпірдің мақсаты: қазіргі қоғамның мәдени өміріндегі әдебиеттің орасан зор маңызын атап өту,ақын поэзиясына қызығушылықты ояту.

Іс-шараға Ресейдің Қазақстан Республикасындағы вице-консулы Александр Дьяченко, Павел Васильевтің әдеби мұрасы жөніндегі комиссияның хатшысы Светлана Гронская (Мәскеу қ.) қатысты.
Қашықтықтағы аталмыш іс-шараға П.Васильевтің өмірі мен шығармашылығын зерттеушілер, ақын есімімен байланысты Қазақстан мен Ресей қалаларының: Семей, Өскемен, Петропавл, Мәскеу, Омбы, Владивосток және кітапханалар мен мұражайлардың мамандары қатысты. Ақынның өмірі мен шығармашылығына тоқталып, П.Васильев өлеңдері қазақ және орыс тілдерінде оқылды.
Абай атындағы кітапхана мамандары телекөпірге қатысушыларды Павел Васильевтің өлеңдер жинақтарымен және кітапхана қорындағы ол туралы әдебиеттермен таныстырып, ақынның Семей қаласына арнаған «Семей» өлеңін оқыды.