Андерсеннің ертегі әлемі: көрменің жабылуы

7 сәуір күні балалар әдебиеттері бөлімінің ұйымдастыруымен Халықаралық Балалар кітабы күні және ұлы дат жазушы-әңгімеші Ханс Христиан Андерсеннің туған күніне арналған «Авель» көркемсурет студиясының «Андерсеннің ертегі әлемі» суреттер көрмесінің жабылуы өтті. Көрме 2-7 сәуір аралығында көпшілік назарына ұсынылды, оны №6 гимназияның 1 сынып оқушылары, SHS жекеменшік мектебі, Қалматаев атындағы медицина колледжінің оқушылары, Шәкәрім атындағы университеттің 1 курс студенттері, мүмкіндігі шектеулі балалар мен кітапхана қонақтары тамашалады. Сондай-ақ, Санжиева Дильназ «Аленький цветочек», Шыныбекова Дарина «Инелік», Сотников Василий «Ертегі құсы», «Алтын бала» Бегембетова Аружан сынды жас суретшілердің жұмыстары көрмеге келушілердің ерекше назарын аударды.
Көрмені ән мен көркемдеген «Viva voice» вокалдық студиясының Смаилова Амина, Новикова Ариадна орындаған әуезді әндері мен балалар мен жастар шығармашылығы сарайының «Төртінші қабырға» театр студиясының Андерсен ертегілері бойынша дайындаған әдеби композициялары көпшіліктің зор қошеметіне бөленді.
Студия түлегі Маргарита Жилинская қазіргі таңда архитектуралық білім алып, Чехияда IT саласында графикалық дизайнер болып жұмыс істейтінін мақтанышпен айтып, ұстазына жылы лебізін білдіріп, гүл шоғын ұсынды.
Кеш соңында жас суретшілердің еңбектері еленіп, кітапхана әкімшілігі тарапынан грамоталармен, алғыс хаттармен марапатталды.