Ұлт мақтанышы Қаныш Сәтбаев: ақпараттық сағат

2024 жыл қазақтың көрнекті ғалымы, геолог, қоғам және мемлекет қайраткері, геология-минералогия ғылымдарының докторы, ҚазКСР ҒА ұйымдастырушысы және Тұңғыш Президенті, КСРО ҒА академигі Қаныш Имантайұлы Сәтбаевтың туғанына 125 жыл толып отыр.
Ғалымның туған күні қарсаңында Абай атындағы облыстық кітапхананың қызметкерлері Семей қаласындағы Қаныш Сәтбаев атындағы №2 ЖОББМ-тің 10-11 сынып оқушыларына ақпараттық-танымдық сағат өткізді.
Іс-шара барысында оқушыларға тұңғыш қазақ геологының өмірі және қызметі таныстырылды, Сәтбаев пен оның туыстарының қызметі туралы бейнеролик көрсетіліп, ғалымның өміріндегі ең қызықты фактілер туралы айтылды, Қаныш Сәтбаевтың көп қырлы тұлғасына ерекше назар аударылды.
Іс-шараны ғалымның кейбір ғылыми еңбектері, Сәтбаев туралы естеліктер жинақтары, “Қаныш Сәтбаев” энциклопедиясы және ғалым Қ.И. Сәтбаевтың өмірі мен қызметі туралы материалдарды көрсететін басқа да басылымдар ұсынылған кітап көрмесі толықтырды. Абай атындағы кітапхананың сирек кітаптар қорында сақталған 1928 жылы шыққан Хамза Жүсіпбековтің “Қарсақпай” атты қазақ тілінде жазылған әңгімелер жинағы және Абай Құнанбаевтың 175 жылдығына орай кітапхана басып шығарған «Артық ғылым кітапта» кітабы оқушылардың ерекше назарын аударды. Ақпараттық-танымдық сағат кроссвордты шешумен аяқталды, оның сұрақтарына оқушылар оңай жауап берді.