Оқы және жеңіске жет: облыстық байқау

24 сәуір күні Абай атындағы кітапхана қызметкерлері Ж.Шайжүнісов атындағы электронды колледжде өткізілген «Оқитын ұлт» жобасы аясында өткізілген «Оқы және жеңіске жет» атты колледж кітапханашыларына арналған облыстық байқауда әділқазылық етті. Байқаудың мақсаты: жас кітапханашылардың жаңашыл, жасампаз және шығармашылықтарын анықтай отырып,кәсіби байланыстарды дамытуы және кеңейту, кітапханашы мамандығының беделін арттыру, тәжірибе алмасу болып табылады.
Байқаудың екінші бөлімі «Бір ел – бір кітап» акциясына алынып отырған, ЮНЕСКО көлемінде аталып өтіп жатқан балалардың сүйікті жазушысы Б. Соқпақбаевтың өмірі мен шығармашылығына арналды.
Шара соңында осы байқауды ұйымдастырып отырған «Абай облысының білім беру басқармасы» ММ «Облыстық инновациялық-әдістемелік орталығы» КММ – нің ұйымдастырушылары Абай атындағы кітапхана қызметкерлеріне алғыстарын айтып, сертификат пен кітап сыйға тартты.