Халық бірлігі – мемлекеттің негізі: этнографиялық мереке
Абай атындағы кітапханада «Халық бірлігі – мемлекеттің негізі» атты этнографиялық мереке өтті.
Шараға медицина университеті, электротехника колледжінің студенттері қатысты. Кешке қатысушылар 1 мамыр – Қазақстан халқының бірлігі күні мерекесінің тарихымен танысып, Қазақстан халықтары ассамблеясының қызметі туралы ақпарат алып, Семейдегі Достық үйінің этнографиялық мәдени орталықтарының мүшелерімен жүздесті. Татар, орыс, неміс мәдени орталықтары көрермендерді өз халықтарының салт-дәстүрімен, әдет-ғұрыптарымен таныстырды. Студенттер орыс халқының отбасылық әдет-ғұрып рәсіміне және неміс халқының дәстүрлі үйлену алдындағы рәсіміне қатысып, қазақ, орыс және неміс тілдерінде халық әндерін тыңдады. Кітапхана маманы студенттерге қазақ жеріне департацияланған татар, орыс, неміс халықтарының тарихы туралы әңгімеледі. Іс-шараға қатысушылар үшін этномәдени мазмұндағы кітаптар, Қазақстанда тұратын халықтардың ұлттық тағамдары, сондай-ақ қаланың ұлттық орталықтары ұсынған орыс, неміс және татар халықтарының тұрмысы мен мәдениетінің жәдігерлері қойылған көрме дайындалды. Шара соңында студенттер қазақ,орыс,татар,неміс халықтарының ұлттық киімдерін қуана киіп, мәдени орталықтардың өкілдерімен суретке түсті.
