Шекспир туралы білетініміз және білмейтініміз: әдеби кеш

Абай атындағы кітапхананың қызметкерлері ағылшынның ұлы жазушысы У. Шекспирдің 460 жылдық мерейтойына орай «Шекспир туралы білетініміз және білмейтініміз» тақырыбында ағылшын тілінде әдеби кеш ұйымдастырылды. Кеште жазушының қызықты ғұмырнамасы, құпияға толы шығармашылығы мен сонаталары туралы ақпарат берілді.
Іс-шараға Шәкәрім атындағы университеттің ПД-101 «аударма ісі» тобының студенттері мен Қ. И. Сәтбаев атындағы №2 мектептің оқушылары қатысты.
Кештің барысында қатысушылар «Сенім шеңберін» құрып, бір-бірлерімен Шекспир туралы өз пікірлерімен бөлісті.
Ұйымдастырушылар қатысушыларға Шекспирдің белгілі және белгісіз қырлары жайында фильм көрсетті. Оқушыларды 3 топқа бөліп, ағылшын және орыс тілдерінде жарыстар ұйымдастырды.
Кешке келушілерді жазушының шығармашылығынан сыр шертетін «Кітап маған тақтан да қымбат» тақырыбында кең көлемді кітап көрмесі қарсы алды. Шараға қатысушы жастар Шекспирдің «Ромео және Джульетта» трагедиясынан театрландырылған үзінді көрсетті.
Кештің белсенді қатысушылары Е.Шульгатай, Т.Кадыров, М.Уановаларға кітапхана атынан жазушы шығармалары табысталды.