Мемлекеттік рәміздер : ақпараттық сағат
4 маусым күні Абай атындағы кітапханада шетел әдебиеті қызметкерлерінің ұйымдастыруымен ҚР Мемлекеттік рәміздері күніне орай «Мемлекеттік рәміздер» тақырыбында ақпараттық сағат өткізілді. Аталмыш шараға қаламыздағы Медициналық университеттің шетел бөлімі студенттері қатысты. Қатысушыларға ағылшын тілінде “State symbols” аталымындағы слайд көрсетілім ұсынылып, ҚР Мемлекеттік рәміздері туралы ақпарат берілді.
Шара барысында барлық қатысушылар ҚР Әнұранды бірге қосылып айтып, атаулы күнге байланысты викторинаға қатысты.
Іс-шара соңында шетелдік студенттер «Мемлекетіміздің рәміздері» тақырыбындағы кітап көрмесімен танысып, ағылшын тілдеріндегі «Рәміздер» туралы сыр шертетін басылымдарға қызығушылықтарын танытты.
