Жазғы тілдік лагерьдің аяқталуы

4 – 14 маусым аралығында Абай атындағы облыстық әмбебап кітапханасында ұйымдастырылған жазғы тілдік лагерьдің аяқталуы арнайы түрде аталып өтті. Лагерьге қаламыздағы «Сапсан» білім беру орталығының 6-12 жас аралығындағы оқушылары мен № 17 мектеп және басқа да мектептердің балалары қатысты.
Лагерьде балалар ағылшын тілінде білім алып, көңілді ойын түріндегі сабақтарға белсене қатысты. Балалар достасуды, бір-бірін құрметтеуді, достықты бағалауды үйренді.
Аталмыш лагерьде тілге деген қызығушылықтарын арттыру мақсатында бейнероликтер көрсетіліп, ашық алаңда ағылшын тілінде ойындар ойнатылды. Балдырғандар еркін тақырыпта сурет салып, оны ағылшын тілінде баяндауға тырысып, «Clothes», «Businessman», «Foods», «Travelling» интеллектуалды ойындар, викториналар, спорттық іс-шаралар, эстафеталар, қуыршақ қойылымдарына және күнделікті таңғы жаттығуларға қатысты.
Тілдік лагерьдің жабылуында ең белсенді және білімді балаларға кітапхана атынан сыйлықтар мен марапаттар табысталды.