Қазақстан Конституциясы – біздің өміріміздің негізі: экспресс-трибуна

2024 жылғы 29 тамызда Абай атындағы облыстық әмбебап кітапханасы қызметкерлері Конституция күні мерекесіне орай «Семей қаласының қарттар мен жалпы мүгедектерге арналған медициналық-әлеуметтік мекемесінде» «Қазақстан Конституциясы – біздің өміріміздің негізі» тақырыбында экспресс – трибуна өткізді.
Екі тілде өткен іс-шара барысында тыңдаушылар ата заңымыздың даму тарихы мен конституцияның көне заманнан бүгінгі күнге дейінгі тарихы және Қасым ханнан бастап, 1995 жылы қабылданған Қазақстан Республикасының Конституциясының даму тарихымен танысты. Шараға қатысушылар Конституция күніне арналған презентацияны тамашалау арқылы Конституцияның негізгі баптарымен танысты.
Кітапхана мамандары конституцияның негізгі бөлімдеріне тоқтала отырып, шет мемлекеттердегі конституциялардың даму ерекшеліктеріне тоқталды.
Іс-шараға қатысушылар үшін үш тілде кітап көрмесі дайындалып, онда Қазақстанның ғана емес, сонымен қатар басқа елдердің конституциясы мен конституциялық құқығының дамуын баяндайтын кітаптар мен монографиялар: «Қазақстан Республикасының Конституциясы», «Конституция Республики Казахстан: доктрина и практика», «Қазақстан Республикасының Конституциясы: доктрина және тәжірибе», М.Кемалидің «Шетелдердің конституциялық құқығы», «Конституция 16 стран» т.б. ұсынылды.