Отбасы – бақыт мекені: интерактивті кездесу

13 қыркүйек күні Абай атындағы кітапхана мамандары Қазақстанда дәстүрлі түрде қыркүйек айының екінші жексенбісінде аталып өтетін Отбасы күніне арналған «Отбасы – бақыт мекені» тақырыбында интерактивті кездесу өткізді. Кездесуге Семей медицина университетінің студенттері қатысты. Қатысушылар мерекенің тарихымен, Қазақстанда және әлемнің басқа елдерінде тойланатын салт-дәстүрлер туралы ақпарат алды.
Кездесу қазақ және орыс тілдерінде өтті. Аталмыш шарада студенттер тек тыңдап қана қоймай, викториналық ойындарға,тренингтерге қатысып, өздерінің білімдерін сынады. Викторинада қазақ халқының отбасын құру және нығайтуға қатысты салт-дәстүрлері туралы сұрақтар қойылды. «Мақал-мәтелді жалғастыр» ойыны өткізілді, тренинг ойыны барысында студенттер отбасын құру және сақтау жайлы кеңес алды.
Іс-шара осы тақырыпқа арналған бейнероликтердің көрсетілуімен, сондай-ақ кең көлемді кітап көрмесімен жалғасты. Көрмеге Қ.Қалиеваның «Бақыттың кілті – әйелде», Қ.Ғ. Жүнісова-Елшібаеваның «Отбасы. Отағасы. Отанасы», Ш.Мұқанның «Отбасы «Оқуға тиіс 10 кітап», С.Ковидің «Счастливый союз: семь навыков высокоэффективных пар», А. мен Б. Пиздің «Почему мужчины врут, а женщины ревут» әлемдік бестселлері және отбасын құру және сақтау, балаларды тәрбиелеу, бақытты отбасылық қарым-қатынас психологиясы бойынша кеңестер беретін басқа да кітаптар қойылды.