Бердібек Соқпақбаев: әдеби сағат

3 қазан күні Абай кітапханасы қызметкерлерінің ұйымдастыруымен шоқтығы биік қаламгер, қазақтың көрнекті жазушысы Бердібек Соқпақбаевтың туғанына 100 жыл толуына орай қаламыздағы №6 мектеп-гимназиясында әдеби іс-шара өткізілді.
Шараға 8-сынып оқушылары қатысты. Іс-шара барысында кітапхана қызметкерлері қатысушыларды автордың өмірбаяны, шығармашылығымен таныстырып, арнайы әзірленген бейнеролик көрсетті. Оқушылар жазушының «Менің атым Қожа», «Қайдасың, Гауһар?», «Чемпион», «Балалық шаққа саяхат» сынды алуан түрлі өмірбаяндық шығармаларымен және осы шығармалардың басты кейіпкерлерімен танысып өтті. Қатысушылар назарына Бердібек Соқпақбаевтың қазақ және орыс тілдеріндегі кітаптары, сондай-ақ оның шығармашылығы бойынша әртүрлі монографиялар жинағы ұсынылды.
Іс-шара соңында оқушылар тақырыпқа негізделген викториналық ойынға қатысып, «Менің атым Қожа» шығармасының кейіпкерлерінің аты-жөні, мінез-құлқы мен іс-әрекеті жөнінде қойылған сұрақтарға жауап берді. Осы орайда, викторинаның ең белсенді қатысушылары – А.Құттыбаева, Н.Қабдыжалел, А.Сейтенова, А.Қапкенова, Б.Купреев, Т.Слямхан атты оқушыларға кітапхана атынан ынталандыру сыйлықтары табысталды.