Бердібек Соқпақбаев – балалар әдебиетінің асыл мұрасы: әдеби кеш

17 қазан күні Абай кітапханасының балалар әдебиеттері бөлімі қызметкерлері «Бір ел-бір кітап» акциясы аясында белгілі балалар жазушысы Б. Соқпақбаевтың туғанына 100 жыл толуына орай, Б. Момышұлы атындағы №34 орта мектептің 4 «А» сынып оқушылары арасында «Бердібек Соқпақбаев-балалар әдебиетінің асыл мұрасы» атты әдеби кеш ұйымдастырды.
Кеш барысында қатысушыларға жазушының өмірі мен қызметі туралы тыңғылықты ақпарат беріліп, «Менің атым Қожа» фильмінен үзінді көрсетілді. Сондай-ақ, балалар «Чемпион», «Менің атым Қожа», «Балалық шаққа саяхат», «Аяжан» және т.б. шығармалары және мерзімді басылым беттерінде жарық көрген мақалалар томтамаларымен жасақталған «Бердібек Соқпақбаев-қазақ әдебиетінің классигі» атты кең көлемді кітап көрмесімен танысты.
Әдеби кештің ерекшелігі – оқушылар көрермендерге «Менің атым Қожа» шығармасының желісі бойынша түсірілген фильмнен үзінді көрсетіп, сол уақыттың тыныс-тіршілігін түсінуге тырысты.
Ұйымдастырылған шара балалардың әдебиетке деген қызығушылығын тудырып, өз қабілеттерін жан-жақты көрсетуге үлкен мүмкіндік берді.