Кітапханашылар – кітапхана шырақшысы: мерекелік құттықтау

24 – қазан Кітапханашылар күніне орай, Абай кітапханасында талай жылдан талмай еңбек етіп, кітапхана ісінің өсіп-өнуіне ерен еңбектерін сіңірген әріптестерімізді құттықтау рәсімі өтті.
Шара шымылдығын кітапхана директоры ашып, әріптестерге өз тілегін жеткізсе , Облыстық мәдениет басқармасының «Мәдениет және өнер» бөлімінің басшысы А.Ахметқалиқызы сөз алып, құттықтап, әріптестерімізге тиеселі мадақтамаларын табыс етті.
Атап айтсақ, әріптестеріміз О.Д.Қайсина Қазақстандық кітапханалық Одақтың «Қазақстанның Құрметті кітапханашысы» төсбелгісімен, Г.Қ.Байбатырова ҚР Ұлттық кітапханасының Құрмет грамотасымен, М. Парфенович ҚР Ұлттық кітапханасының Алғыс хатымен, З.Т.Муканова Абай облысының мәдениет, тілдерді дамыту және архив ісі басқармасының Алғыс хатымен, М.О.Байжанов «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Алғыс хатымен, Ж.Е.Айтқазина және Т.Ә.Нургазиндер Абай атындағы облыстық әмбебап кітапханасының Алғыс хатымен марапатталды.
Кәсіби мерекеге арналған жүрекжарды тілектер айтылды, әннен шашу шашылды.
Марапат құтты болсын, Әріптестер!