Сыбайлас жемқорлықтан сақ болыңыз: ақпараттық сағат

15 қараша күні Абай атындағы кітапхана қызметкерлері Бизнес және сервис колледжінде «Сыбайлас жемқорлықтан сақ болыңыз» атты ақпараттық сағат өткізді.
Іс-шара барысында кітапхана қызметкерлері ең біріншіден «Сыбайлас жемқорлық» не екенін түсіндіріп, коррупцияға байланысты заңдарға шолу жасалды.
Шара барысында Қазақстанда сыбайлас жемқорлыққа қарсы күрес басты басымдықтарының бірі ретінде тақырыбында ақпараттық сағатқа қатысушылар пікір алмасты. Абай кітапханасының қызметкерлері қазіргі таңдағы актуалды тақырыптың бірі – саяси-қоғамдық мәселелерді көтерді. Сонымен қатар, сыбайлас жемқорлықтың тарихына, түрлеріне тоқталды. «Адалдық», «адамгершілік», «әділеттілік» тақырыбы төңірегінде қатысушылар мақал-мәтел жалғастырды.
Студенттерге коррупция туралы кеңінен танып білулері мақсатында кітап көрмесі жасақталды. Аталмыш көрмеде «Сыбайлас жемқорлыққа қарсы мәдениет негіздері», «Қылмыстық құқық», «Жемқорлыққа қарсы күрес» және т.б. кітаптары ұсынылып, таныстырылды.
Ақпараттық сағатты қорытындылай отырып, шараға қатысушы студенттер жемқорлыққа қарсы қандай іс шаралар қолдану керектігі жөнінде сөз қозғап, өз ұсыныстарымен бөлісті.