Рухы биік, арманы асқақ – Қазақ елі!: көркемсөз байқауы

Желтоқсанның 6-сы күні Абай кітапханасында Тәуелсіздік күніне орай «Рухы биік, арманы асқақ – Қазақ елі!» атты көркемсөз оқу байқауы ұйымдастырылды. Қазақ халқының тәуелсіздік жолындағы ерлік күресі мен қол жеткен жетістіктерімізді құрметтей, қастерлей білуге тәрбиелеу мақсатында өткізілген іс-шарамызға қала мектептерінен, жиыны 18 оқушы қатысты.
Бағы мен бабы қатар сынға түскен бәйгеде өзгелерден оқ бойы озық шығып, жүлделі 1-орынға Советқали Айгерім ие болса, 2-орынды Бағзарова Жанерке өз қанжығасына байлады. Ал, 3-орынға Амангелді Аружан лайық деп танылып, қазылар алқасының шешімі бойынша, арнайы жүлде марапатына Маулютчарипов Бақжан мен Қадыртай Нұрдәулет ұсынылды. Байқаудың өзге қатысушылары да арнайы алғыс хаттармен және бағалы сыйлықтармен марапатталды.
Шара соңында қазылар алқасы байқау жеңімпаздарын құттықтап, оқушыларға ақжарма тілегін жаудырып, алдағы өмірлеріне сәттілік тіледі.