Тәуелсіздік шежіресі: ақпараттық сағаты өтті

10 желтоқсан күні Абай атындағы кітапханасында Қазақстан Республикасының Тәуелсіздік күніне орай Семей медициналық университеттің шетелдік студенттеріне ағылшын тілінде «Тәуелсіздік шежіресі» тақырыбында ақпараттық сағат өткізілді.
Іс-шараға қатысушыларға Қазақстанның дамуына және оның тәуелсіздігіне орасан зор үлес қосқан көрнекті тұлғалар – Абылай хан, Төле би, Кенесары хан, Әлихан Бөкейханов, Томирис, Шоқан Уәлиханов, Абай Құнанбаевтың өмірбаянымен толық танысты.
Ақпараттық сағатта «Қазақстанның әйгілі тұлғалары» тақырыбында көрме ұйымдастырылып, онда Р.Ақмағанбеттің «Ұлы даланың ұлы қыздары», «Алаш демократиясы», Ш. Күмісбайұлының «Қаз дауысты. Қазыбек би», «Тәуке хан», «Қазақстан туралы хикаялар. Мәдениетті оқырман» туралы және т.б. үш тілде кітаптар қойылды.
Іс-шара Тәуелсіз Қазақстанның қалыптасуының негізгі кезеңдерін ашатын «Тәуелсіздік шежіресі» және «Қазақстанның белгілі тұлғалары» презентацияларымен толықтырылды.
Презентациямен танысқаннан кейін студенттер «Портреттер» викторинасына қатысты, оның барысында тарихи тұлға туралы фотосуреттерді пайдалану керек болды.
Шара соңында «Әліппе» ойыны ойналып, қатысушылар әліпбидің әр әрпіне Қазақстанның салт-дәстүрін, әдет-ғұрпын, музыкалық аспаптарын, әдет-ғұрыптарын, тағам атауларын жазу керек болды.
Ең белсенді қатысушылар Абдул Кадир, Уцав Верма, Дания Шейх, Мохаммад Талха Аамид, Сурар, Гулсафи Махенди Қазақстан рәміздері бейнеленген сыйлықтармен марапатталды.