Ел таныған ерен тұлғалар: шығармашылық кездесу
17 желтоқсан күні Абай кітапханасында «Абай жолы» кітапханасы жобасы аясында жарық көрген кітап авторлары Дәулет Сейсенұлы, Серік Әкрамұлы Қалиев, Ақберен Елгезек сынды белгілі қаламгерлерлермен Абай облысы кітапханашыларының рухани жүздесу кеші болып өтті.
Іс-шара барысында көптеген келелі әңгімелер айтылып, оқырман көкейінде жүрген сауалдардың жауабын ала алды. Қонақтарымыз өздерінің әдебиет әлеміне, өлең өлкесіне қалай келгені жөнінде қызықты естеліктерімен бөлісті. Қызығы мен шыжығы қатар жүретін шығармашылық өмірде бастан кешкен алуан түрлі оқиғалар көрерменді одан әрі қызықтыра түсті. Ақындарымыз өздерінің жүрекжарды өлеңдерін оқып, келешек ұрпаққа ізгі тілектерін жолдады.
Тағылымы мол талқылауға ұласқан сұхбат соңында қаламгерлерімізге арнап, бір топ кітаптар басылымы сыйға тартылып, «Абай жолы» кітапханасы жобасы аясында жарық көрген кітаптардың тұсаукесер рәсіміне арналған шақырту қағазы табысталды. Шара соңында Дәулет Сейсенұлы жиналған қонақтарға батасын беріп, шын жүректен бақыт тіледі.
